Stantare è Memoria - L'Arcusgi




Nove ghjuvanotte di notte à la funtana
Nove lune accese, di ùn sapè ballà
Nove parolle, voce di manannà

Ottu capretti ùn facenu furtuna
Ottu muntagne perse ùn si ponnu truvà
Ottu furesteri ch'anu tombu la muvra

Sette mazzeri scemi imbuleghjanu a mente
Sette putenza unite facenu avversita
Sette ponti falati di focu è petre ardente

Sei mare chì bollenu, gonfii di sufrenze
Sei dulore in core, a patria da sperà
Sei misgi à dorme, l'acelli sò sprenze

Cinque omi arritti inventanu un surisu
Cinque cannoni mughjanu a francia passera
Cinque tacche di sangue annant'à lu to visu

Quattru tesori piatti unu per paese
Quattru canti di gioia un mondu hà da vultà
Quattru donne chì pienghjenu, cummune sò l'offese

Tre lione chì veghjanu, stantare e memoria
Tre lingue per ride, di tante scimita
Tre raggiò di campa, omi terra è storia

Dui soli si pesanu, à l'alba fratellanza
Dui storie mischjate, u tempu ùn hà pietà
Dui sangui chì correnu, fiumi ricunniscenza

Un populu chì tocca à e mille sperenze
Un populu chì d'occhji, apre l'eternità
Un populu chì va dop'a tante suffrenze
Un populu chì va, solu à l'Indipendenza...



Le Meilleur de toute la Musique en Paroles, Chansons et Lyrics sur www.Paroles-Lyrics.fr